Зуны зугаатай өдрүүд айсуй...... 

Аяллаар явах нь танд шинэ туршлага, шинэ дурсамжийг үлдээж, амьдралын шинэ хэв маяг, аз жаргалтай хүн болоход тусалдаг.  

Таны сэтгэл санаа тавгүй, стресстэй байгаа бол та аялалд гарах цаг болсны дохио юм. Тэгвэл энэ зуны налгар, зугаатай өдрүүдэд таныг яагаад аялалд гарах ёстойг харуулсан бяцхан зөвлөгөөг бэлтгэн нийтлэлээ. Та яагаад аялалд явах хэрэгтэй вэ? : 

ГЭНЭТИЙН НӨХЦӨЛ БАЙДЛЫГ ДАВАН ТУУЛАХ НЬ ТАНЫГ ӨӨРТӨӨ ИТГЭЛТЭЙ БОЛГОДОГ 

Цаасан дээр аяллын төлөвлөгөө гаргасан ч гэсэн аялалд гарсан хүн бүрт гэнэтийн нөхцөл байдалтай тулгарах үе зөндөө гардаг. Ямар ч нөхцөл байдал тулгарсан асуудлыг давж гарах арга зам байдаг бөгөөд тэдгээр асуудлыг даван туулж чадна гэдгээ мэдэх нь өөртөө итгэх итгэлийг тань нэмэгдүүлэх том аз жаргал юм.

АЗ ЖАРГАЛ ХАЛДВАРЛАДАГ 

Таны аялж буй газар хаана ч байсан тухайн газрын иргэд, оршин суугчид аз жаргалтай, найрсаг, нөхөрсөг байвал тэр эерэг бүхэн танд халдварлаж таны аяллыг улам аз жаргалтай болгодог.  

ГЭРЭЭСЭЭ ХОЛ БАЙХ ҮЕД ӨӨРИЙН ГЭР БОЛОН ГЭР БҮЛИЙН ҮНЭ ЦЭНИЙГ ИЛҮҮ МЭДЭРДЭГ 

Тав тухтай өөрийн гэр, гэр бүл, сайн найз нөхдөөсөө хэсэг хугацаанд хол байх нь тэдний үнэ цэнийг улам бүр мэдрүүлдэг.  

ШИНЭ НАЙЗ НӨХӨДТЭЙ БОЛНО 

Хүмүүс автобус болон клабт үл таних хүмүүстэй яриа өрнүүлэх сонирхол маш бага байдаг. Харин аяллын үед хүмүүс шар айраг уунгаа бие биенээ хаанаас ирсэн гэх мэт яриа өрнүүлэх сонирхолтой болдог учир найз нөхөдтэй болох нь илүү хялбар байдаг байна. Өөр өөр сонирхолтой хүмүүстэй танилцаж, нийгмийн хүрээллээ тэлэх нь бидэнд илүү ихийг суралцах боломжийг өгдөг бөгөөд энэ нь биднийг илүү аз жаргалтай болгож чаддаг байна.  

ӨӨРТӨӨ “ ЦАГ “ ГАРГАХАД ТУСАЛДАГ  

Аялал нь бидний өдөр тутмын амьдралд алдагдсан орон зайг нөхөж өгдөг. Тайван байдал, нам гүм байдлыг ашиглаж зүгээр л энгийн “ байх “ мөчийг бидэнд өгч сэтгэлийн хямрал, стрессээс ангижрах боломжийг олгодог. Хэрэв та хостойгоо хамт аялж байгаа бол аялал нь зөвхөн 2 биетэйгээ цагийг хамт өнгөрөөх, харилцаагаа илүү бат бөх болгох гайхалтай дурсамжийг бий болгох болно.  

СУРАЛЦ, СУРАЛЦ, СУРАЛЦ 

Аялал нь тухайн улс үндэсний хоол, ёс заншил, шинэ хэл сурах гэх мэт маш олон чадвар, мэдлэгийг дээшлүүлэх боломжийг танд олгодог. Суралцах нь бидний тархийг илүү идэвхтэй болгодог ба сэтгэл судлаачид шинэ зүйл сурч мэдэх нь бидний аз жаргалын түвшинг нэмэгдүүлдэг гэж үзэж байгаа юм. 

ШИНЭ ТУРШЛАГА НЬ БИДЭНД ХЭЗЭЭ Ч МАРТАГДАШГҮЙ ДУРСАМЖИЙГ ҮЛДЭЭДЭГ 

Ихэнх хүмүүсийн хувьд аялал нь шинэ туршлага байдаг. Ява арал дахь Боробудур сүмийн гадна нар мандах үед тэнгэрийн туяа ягааран байгааг харж зогссон тэр мэдрэмжийг би хэзээ ч мартдаггүй. Энэ бол миний харж байсан хамгийн үзэсгэлэнтэй үзэгдэл байсан юм. Аз жаргалтай дурсамж нь хэчнээн цаг хугацаа өнгөрсөн ч сэтгэл хангалуун байх мэдрэмжийг хадгалдаг бөгөөд шинэ туршлага нь танд үүрд үлдэх гайхалтай дурсамж юм.  

Урт хугацааны ажлын стресс, ядаргаагаа тайлах цаг болжээ. Гэр бүл, найз нөхөдтэйгөө хамт үүргэвч, 

майхнаа бэлдээд зуны аялалдаа гарахад бэлдээрэй..