Энэхүү  номын зохиогч Жозеф Стиглиц нь АНУ-ын Колумбын их сургуулийн профессор багш бөгөөд ерөнхийлөгч Б.Клинтоны эдийн засгийн зөвлөх, Дэлхийн банкны ахлах дэд ерөнхийлөгч, ерөнхий эдийн засагчаар тус тус ажиллаж байсан ба 2001 онд Нобелийн шагнал хүртжээ. Тэрээр энэ номондоо дэлхийн олонх оронд өнөө үед тулгарч буй эдийн засгийн тулгамдсан асуудлууд тухайлбал, хөрөнгийн зах зээлийн чөлөөлөлт, зэх зээлд шилжих үйл явц, өмч хувьчлал, чөлөөт худалдаа болон хөрөнгө оруулалтын асуудал зэргийг тусгасан бөгөөд эдгээр нь манай орны хувьд ч тулгамдсан асуудал хэвээр байгаа тул уншигчдын сонирхлыг татах нь зүй ёсны хэрэг билээ. Мөн зах зээлийн шилжилтийн нарийн төвөгтэй асуудлуудыг улс орнууд хэрхэн шийдвэрлэсэн тухай, "Цочролын эмчилгээ", түргэн хувьчлалын замыг сонгосон Орос улсын туршлага, шилжилт хийж амжилт олсон Хятад, Тайваны туршлага, газрын баялагаа ашиглах, энэ салбарт гадаадын хөрөнгө оруулалт хийх талаар хөгжлийн янз бүрийн түвшинд байгаа улс орнуудын түүхэн туршлага, эерэг ба сөрөг үр дагаварын талаар энд өгүүлнэ.