Хүүхэд насыг хүн бүр дайрч гардаг. Хүн бүрийн хүүхэд насны адал явдал өөр.

Юу гэвэл: Тухайн орчин нөхцөл. Дэлхийн өнцөг бүрд амьдарч байгаа хүүхдүүдийн гарал үүсэл, үндэс угсаа нийгмийн орчин өөр боловч, хийж байгаа үйлдэл бүхэн эгдүүтэй өхөөрдөм хөөрхөн байдаг. Нялх балчир хүүхдүүдийн тухай өхөөрдөм хөөрхөн яриа, адал явдал, онигоо амьдралд зөндөө тохиолдоно. Түүнийг нэгтгэн уншигч түмний мэлмийд хүргэх зорилгоор энэхүү номыг бичих сэтгэлдээ хөтлөгдсөн юм. Данийн алдарт зураач ХерлуфБидструфын номыг хүн бүхэн мэдэх байх. Ер нь социализмын үед айл бүрт байдаг санагдах юм. Энэ номд хүүхдийн тухай хөөрхөн эгдүүтэй явдлыг уран зургийн аргаар дүрслэн харуулсан байдаг. Сүүлийн үед оросын Маша Миша хоёрын адал явдлыг харуулсан хөгжилтэй, дүрсгүй хүүхдийн тухай хүүхэлдэйн кино гарч байна. Хэзээ томоожих Маша вэ? "Маша" үзэж сууж байгаа хүүхдүүд том болсон хойноо дахин үзэж нээрээ л хүүхэд байхдаа "ийм" байж дээ гэж бодно доо. Хүний амьдралд тохиолдох зөндөө л хөгжилтэй явдлууд байдаг даа...