Лидер хүнд зайлшгүй байх ёстой хамгийн чухал чанаруудын нэг бол сэтгэл хөдлөлийн оюун ухаан буюу EQ юм. EQ гэдэг нь дотоод болон гадаад сэтгэл хөдлөлийг зохицуулах чадварыг хэлдэг. Хэрэв таны EQ өндөр бол та өөрийнхөө сэтгэл хөдлөлийг хянаж, удирдаж чаддаг мөн бусдын сэтгэл хөдлөлийг таньж хэрхэн зөв хариу үйлдэл үзүүлэхээ мэддэг гэсэн үг юм.
EQ өндөртэй удирдагч байж чадсанаар багийн гишүүдтэйгээ илүү сайн харилцаа тогтоож, боловсон хүчний асуудал болон ажлын байрны стрессийг хялбар зохицуулж чаддаг. Бусад чадварын адилаар урт хугацааны тууштай зөв дадал зуршил гэх мэт хүчин зүйлсээс хамаарч энэхүү чадварыг хөгжүүлж болдог.
Тэгвэл ямар зуршил EQ-г хөгжүүлдэг вэ?
1. Идэвхтэй сонсогч бай
Нэн тэргүүнд хамгийн чухал зүйл нь бусдыг анхааралтай сонсох явдал юм. Хэрэв та бусдын яриаг анхааралтай сонсож байгаа бол утас болон бусад хүчин зүйлс таны анхаарлыг огтхон ч сарниулж чадахгүй. Та ярих гэж хүлээх бус харин зүгээр л бүх анхаарлаа ярьж буй хүн рүү чиглүүлэх хэрэгтэй. Ингэснээр тухайн хүний бодол санаа, хүсэл тэмүүлэл, сэтгэл санааг нь илүү сайн ойлгож уншихад тань туслах болно.
2. Тэсвэр тэвчээр
Сэтгэл хөдлөлийн хувьд ухаалаг удирдагчид тэвчээртэй байдаг. Ихэнх удирдагчид ажил хэргийн олон асуудлуудад маш хурдан хариу үйлдэл үзүүлэх хандлагатай байдаг. Харин EQ өндөртэй удирдагчид тэдгээр асуудлууд нөхцөл байдалд маш нухацтай, хүлээцтэйгээр ханддаг байна. Тэвчээр нь танд сэтгэл хөдлөлөө хянаж хариу үйлдэл үзүүлэхэд хугацаа олгож таныг илүү тайван мөн бүх асуудлуудад ухаалгаар ханддаг болоход тусална. Ингэснээрээ илүү эерэг эрүүл ажлын байрны орчинг ажилчиддаа бүрдүүлж өгөх болно.
3. Бусдыг ойлгох
Бусдыг ойлгох, өрөвдөх зан чанар бол удирдагч хүнд байх хамгийн чухал чадвар гэж үздэг. Өөрөөр хэлбэл тэдний хувийн нөхцөл байдлыг харгалзан үзэх, ямар мэдрэмж төрж байгаад анхаарлаа хандуулах хэрэгтэй. Тэд яагаад стресст орж байна вэ? Яагаад тэсвэр нь алдагдаж байна, яагаад сэтгэл нь хөдөлж байна вэ? гэдгийг та өмнө нь анзаарч байсан уу? Энэ бүхнийг анзаарч ойлгож чадсанаар бүх зүйл өмнөхөөсөө илүү хялбар байх болно.
4. Биеийн хэлэмжинд анхаарлаа хандуул
Зарим судлаачид харилцааны 55% биеийн хэлээр дамжуулдаг гэж тооцоолсон байдаг. Үүний дагуу ухаалаг удирдагчид ажилчдынхаа биеийн хэлэмжинд анхаарал хандуулдаг байна. Магадгүй тэд өөрсдөө таны гаргасан шийдвэрийг даган мөрдөж байгаа эсвэл “Би стресстээгүй” гэж хэлж болох ч тэдний биеийн хэлэмж нь эсрэгээрээ байгааг өгүүлж болох юм. Тэр бүх зан байдлын нарийн ялгааг анзаарч харах нь зөвхөн танаас л шалтгаална.
5. Бясалгал хий
Бясалгал хийх маш олон шалтгаан байдаг боловч ихэнх хүмүүсийн бясалгал хийх шалтгаан нь өөрийн бодол санаа, мэдрэмжээ хянах зорилготой байдаг. Бясалгал нь танд шууд үр өгөөжөө өгдөг зүйл биш бөгөөд тогтмол дадал зуршлаа болгож байж цаг хугацааны явцад үр өгөөжөө өгдөг. Өөрийн бодол санаа, дотоод мэдрэмжээ зохицуулж сурахын тулд та өдөрт 10-15 минут бясалгал хийх хэрэгтэй. Бясалгал нь сэтгэл хөдлөлөө хянахад шууд хамааралтай байдаг гэж маш олон судалгаагаар батлагдсан байдаг. Мөн хүнд нөхцөл байдалд ч тайван байхад тусалдаг байна.
6. Тэмдэглэл хөтлөх
Ухаалаг удирдагчдын нийтлэг нэгэн зуршил бол хувийн бодол мэдрэмжээ тэмдэглэн авч тэр бүхнээ цэгцлэх зуршил байдаг. Энэ нь таныг сэтгэл хөдлөлөө таньж мэдэх, хянахад чухал үүрэгтэй бөгөөд мөн таны багийн гишүүдээ ажиглах үйл явцад тань туслах болно. Жишээлбэл та хувийн зурвас ашиглан ажлын дур сонирхол буурсан ажилчдынхаа хүсэл сонирхол болон дотоод мэдрэмжийнх нь талаарх ойлголтыг олж авах боломжтой юм. Ингэснээр та тэдэнд илүү анхаарал халамж тавих, илүү амжилттай шийдвэрүүдийг гаргаж чадна.
7. Ажил болон амьдралаа тэнцүүл
Ухаалаг удирдагчид өөрийн болон ажилчдынхаа ажил, амьдралын тэнцвэрт байдлын ач холбогдлыг ухамсарлаж чаддаг. Стресс ихтэй нөхцөл байдлаас ядрахгүйн тулд тэдэнд амралт өгөхөөс хэзээ ч татгалздаггүй. Тэд сайн унтаж амрах, дасгал хийх, зөв хооллох гэх мэт эрүүл амьдралын хэв маягийг эрхэмлэдэг. Ингэснээрээ тэд болон тэдний баг оюун санаа, сэтгэл санааны хувьд илүү тогтвортой байж ажлын өндөр бүтээмжтэй байж чаддаг байна.
EQ гэдэг нь зөвхөн Лидер хүнд ашиг тусаа өгдөг чадвар бус харин өөрийн EQ чадвараа хөгжүүлэхийг хүссэн мөн хөгжүүлж чадсан бүх хүнд ашиг тустай байдаг. Тийм ч учраас улсын болон хувийн байгууллагын бүх ажилчдад EQ чадвараа хөгжүүлэх дадал зуршлыг таниулах нь зүйтэй юм.
Бүх сэтгэгдлийг нийтлэхээс өмнө хянах болно.
Шинэ бүтээгдэхүүн, онцгой урамшууллын талаар мэдээллийг цаг алдалгүй авахыг хүсвэл имэйл хаягаа бүртгүүлнэ үү.