Эрч хүч нэмэгдүүлдэг витамин, амин дэм, ургамал, ундаа, эм нэмэлтүүд гэх мэт маш олон төрлийн бүтээгдэхүүнүүд борлуулагддаг. Гэвч тэдгээр нь үнэхээр үр дүнтэй байдаг эсэх  шинжлэх ухааны баталгаа байдаггүй учир эрүүл мэндэд сөргөөр нөлөөлөх магадлалтай байдаг.

Эрүүл мэндийн баталгаагүй нэмэлт бүтээгдэхүүн хэрэглэх бус зөвхөн танаас шалтгаалах эрч хүчээ сэргээх хэд хэдэн аргыг оруулав.

1. СТРЕССЭЭ УДИРДАХ

Стрессээс үүдэлтэй сэтгэл хөдлөл нь асар их энергийг зарцуулдаг. Найз нөхөдтэй уулзаж ярилцах, сэтгэл зүйчтэй ярилцах зэрэг нь стрессийг бууруулахад тусалдаг. Мөн бясалгал, иог, дасгал зэрэг нь стрессийг арилгах хамгийн үр дүнтэй арга юм.

2. АЧААГАА ХӨНГӨВЧИЛ

Ядаргааны гол шалтгаануудын нэг бол хэт их ачаалалтай ажиллах явдал юм. Үүнд ажлын ачаалал, гэр бүл болон нийгмийн ачаалал зэрэг ч багтана. Хийх ёстой чухал ажлуудаа төлөвлөж цагийн менежменттэй байхыг эрмэлзээрэй.

3. ДАСГАЛ ХИЙХ

Дасгал хийснээр та шөнөдөө бат бөх, тайван унтаж чадна. Энэ нь эсийг шатаахад илүү их энерги өгч, хүчилтөрөгчийг эргэлдүүлдэг. Мөн тархины допамины түвшинг нэмэгдүүлж, сэтгэл санааг өргөж өгдөг.

4. ТАМХИНААС ТАТГАЛЗАХ

Тамхи татах нь нойргүйдлийг үүсгэж, таны энергийг сорж байдаг. Тамхины найрлага дахь никотин нь сэргээш бодис тул зүрхний цохилтыг түргэсгэж, цусны даралтыг нэмэгдүүлж, тархины үйл ажиллагаанд нөлөөлж нойргүйдэлд хүргэдэг.

5. ХООЛ ХҮНСЭНДЭЭ АНХААРАХ

Глимексийн индекс багатай хоол хүнс хэрэглэхийг эрмэлзээрэй. GI буюу Гликемийн индекс нь таны идсэн хоол хүнсний цусан дахь сахарын хэмжээнд хэрхэн нөлөөлөх үзүүлэлт юм. Өндөр индекстэй бүтээгдэхүүнүүд биед түргэн шингэж цусан дахь сахарын түвшинг огцом нэмэгдүүлдэг. Харин бага индекстэй бүтээгдэхүүнүүд илүү удаан шингэдэг тул цусан дахь сахарын хэмжээ тийм ч хурдан өсдөггүй ба эрч хүч илүү удаан хугацаанд ялгарч цусанд ч мөн илүү бага инсулин ордог.

Гликемийн индекс багатай хоолонд бүхэл үр тариа, эслэг ихтэй ногоо, самар, чидун жимсний тос зэрэг эрүүл тос орно. Ерөнхийдөө нүүрс ус ихтэй хоол хүнс нь гликемийн хамгийн өндөр индекстэй байдаг. Уураг ба өөх тос нь гликемийн индекстэй тэнцүү байдаг.

6. Кофейны хэмжээгээ тааруулах

Кофейн нь сэргэг байдлыг нэмэгдүүлдэг бөгөөд аяга кофе уухад таны оюун ухааныг хурц болгоход тусалдаг. Гэхдээ зохистой хэмжээгээр хэрэглэх нь чухал бөгөөд хэрэв ихдүүлсэн тохиолдолд нойргүйдэлд хүргэдэг. Өдрийн 14 цагаас хойш кофейн хэрэглэхгүй байхыг танд зөвлөж байна.

7. Алкохолоо хязгаарлах

Архи болон бусад согтууруулах ундаа хэрэглэсэн үед цусан дахь алкохол ихсэх нь идэвхжүүлэгч байдлаар нөлөөлөх ба норадреналины хэмжээ ихсэх, духны өмнөх атирааны идэвхжил буурах, цаг хугацаа мэдрэх тархины хэсгийн ажиллагаа суларна.

Архи уухаа болих үед цусан дахь алкохолийн хэмжээ буурч, тархийг амраан тайвшруулах нөлөө үзүүлж эхэлдэг.

8. УС САЙН УУХ

Хамгийн энгийн бөгөөд амархан эрч хүчээ сэргээх арга бол үнэтэй спортын ундаа, эм бэлдмэлүүд биш харин УС юм. Таны биед ус дутагдсаныг илтгэх шинж тэмдгүүдийн нэг нь ядрах юм.

Эх сурвалж : https://www.health.harvard.edu/

share:

Өмнөх

Дараах