Мэдээж хэрэг олон удирдагчид баг хамт олноо дэмжих, зорилгодоо хүрснийхээ төлөө ажилчдаа урамшуулах зэрэг нийтлэг зүйл олон байдаг. Гэхдээ амжилттай яваа зарим удирдагчид ажилчдынхаа гүйцэтгэлийг нэмэгдүүлэхийн тулд өөр арга барилаар ажилладаг байна.  

Амазоны гүйцэтгэх захирал Жефф Безос алдаа нь бүгдийг аюулгүй болгодог гэж үздэг. Тэрээр хувьцаа эзэмшигчдээ илгээсэн захидалдаа : “ Хэрэв таны бүтэлгүйтлийн хэмжээ өсөхгүй бол та зүүг хөдөлгөж чадах хэмжээгээр зохион бүтээхгүй шүү дээ “ хэмээн дурьджээ. Өөрөөр хэлбэл та алдаа гаргахгүй бол танд том боломж хэзээ ч олдохгүй. 

БҮТЭЛГҮЙТЭЛ АМЖИЛТАД ХҮРГЭДЭГ 

 Сайн удирдагчид ч мөн адил бусдаас суралцаж байдаг.  

Тэд бүтэлгүйтлийг хэвийн үзэгдэл гэж үздэг бөгөөд ингэснээр тэдний ажилчдад урам зориг өгч идэвхжүүлдэг байна. Энэ нь тэдгээр удирдагчдыг хэзээ ч алдаа гаргадаггүй гэсэн үг биш юм. Үүний гол зорилго нь хүмүүст бүтэлгүйтлээс айхгүйгээр том санаа гаргах, чөлөөтэй сэтгэх эрх чөлөөг олгох явдал юм. Алдаа гаргах магадлалын эсрэг байдаг компани нь хэзээ ч зорилгодоо хүрч чадахгүй гэж тэд үздэг. 

Өөрөөр хэлбэл, бүтэлгүйтэхээс айлгүй аливаа зүйлийг туршиж үздэг компани нь ажилчдынхаа бүтээлч үйл ажиллагааг нэмэгдүүлж, бүтэлгүйтэл бүрээсээ суралцаж байдаг. 

Бүхий л агуу том санаанууд эрсдэл шаарддаг. Бүтэлгүйтлийн үр дагавраас эмээдэг хүмүүс хэзээ ч эрсдэл гэдгийг ойлгохгүй.  

Жефф Безос “ Ганцхан том хожлын мөрий нь олон ялагдагчийн зардлыг нөхөхөөс илүү их үр дагавартай байх болно “ 

Хэрэв танай баг ялагдал хүлээвэл юу тохиолдох бол гэж санаа зовж байгаа бол тэд хэзээ ч үр дүнгийн том бооцоогоо авч чадахгүй.  

Та бүтэлгүйтлийг энгийн зүйл гэдгээр хүлээж авснаар таныг хүсээгүй үр дүнгээс хамгаалахад бага хугацаа зарцуулах, өөрийн зорьсон санаандаа хүрэхийн тулд өөрийн хүчийг зарцуулах боломжийг олгодог.  

БҮТЭЛГҮЙТЭЛ ТАНЫГ ЭНГИЙН БОЛГОДОГ 

Ихэнх удирдагчид хийсэн алдаагаа бусдаас нуухыг эрмэлздэг бусдыг ч тийм байхыг шаарддаг боловч үүнийгээ хүлээн зөвшөөрөх нь тэднийг илүү үнэн болгодог. Ийм удирдагчид бусдадаа урам зориг өгч, бүтэлгүйтлээсээ суралцаж, түүнийгээ үнэ цэнэтэй зүйл болгоход нь тусалдаг. Мөн ажилчдаа алдаа гаргахад тэднийг ажлаа өмнөхөөсөө илүү гүйцэтгэлтэйгээр хийхэд нь дэм өгч, урамшуулан хариуд нь тэднээс үнэнч, тууштай байдлыг хүлээн авдаг байна. 

Эх сурвалж : www.inc.com