Шинжлэх ухааны судалгаагаар батлагдсан хүүхэд нь амжилтад хүрсэн эцэг эхчүүдийн нийтлэг зуршлыг хүргэж байна. 

1. ХҮҮХДҮҮДЭД ӨГЧ БУЙ БЭЛГЭЭР НЬ БУС ХИЧЭЭЛ ЗҮТГЭЛЭЭР НЬ БАХАРХАХЫГ ЗАА  

Хүүхдийнхээ өгч буй бэлгийг магтаж болохгүй. Харин тэдний гаргасан хичээл зүтгэлийг нь үнэлж магтах хэрэгтэй. Жишээ нь :  

БУРУУ: “ Үр минь чи математикийн хичээлдээ хамгийн мундаг нь “ эсвэл “ Чи бол хамгийн хурдан гүйдэг нь шүү “ гэж магтах бус харин 

ЗӨВ : “ Чинийхээ шаргуу хичээж сурсан хөдөлмөрөөр чинь бахархаж байна “ гэж магтах нь зөв юм.  

Энэ нь Станфордын Их сургуулийн олон тооны шинжлэх ухааны судалгаагаар батлагдсан юм.  

2. ТЭДНИЙГ ГАДАА ТОГЛУУЛ 

Шинжлэх ухааны дагуу зөвхөн хүүхдүүд ч бус эцэг эх нь ч мөн адил тэдэнтэй хамт гадаа  тоглож байх ёстой. 

Бага сургуульд өдрийн цагаар хүүхдүүдийг гадаа тоглуулах завсарлага байдаггүй бөгөөд энэ нь тэдний унших чадварыг хөгжүүлэх явцыг удаашруулдаг болох нь судалгаагаар батлагдсан байдаг. ( Үр дүн нь хөвгүүдэд илүү тод илэрч байв )  

Мөн Хойд Каролина мужийн их сургуулийн судалгаагаар 10-18 насны хүүхдүүдийн гадаа тоглох хугацаа нь тэдний сэтгэл санаанд гайхалтай нөлөөлдөг болохыг харуулжээ.  

3. ҮЛГЭР ДУУРАЙЛАЛ АВАХ ТАЛААР ЗАА 

Нью-Йорк их сургууль, Принстоны их сургууль болон Иллинойсын их сургуулийн судлаачид хүүхдүүд 5 насандаа эрэгтэй болон эмэгтэй насанд хүрэгчдийг “ ухаалаг “ гэж бат итгэдэг бол харин 7, 8 наснаас охид насанд хүрсэн эрэгтэй хүн эмэгтэйчүүдээс хамаагүй илүү “ ухаалаг “ гэж итгэж эхэлдэг байна.  

Энэхүү буруу итгэл үнэмшил нь охидыг ажил мэргэжлийн хүрээнд хязгаарлаж хөвгүүдээс илүү бага хүсэл эрмэлзэлтэй болгодог ба шинжлэх ухаан, инженерчлэл, математикийн чиглэлийн мэргэжлээр суралцаж ажиллахаас зайлсхийхэд хүргэдэг.  

Ийм учраас эцэг эхчүүд охид болон хөвгүүддээ аль алинд нь нийгэмд эрх тэгш боломж байдаг гэдгийг ойлгуулах явдал юм.  

4. ГАРГАСАН АЛДАА БҮРЭЭ ТЭДЭНД ХАРЖ ОЙЛГУУЛ 

Бага насны хүүхдүүд заримдаа эцэг эхээ ямар ч алдаа гаргадаггүй бурхан мэт хардаг. Гэвч энэ нь тэдэнд сайн туршлагыг өгдөггүй.  

Массачусетсийн технологийн дээд сургуулийн судалгаа хүүхдэд нялх балчраас нь эхлэн  эцэг эх нь зорилгынхоо төлөө хэчнээн их тэмцэж, хэрхэн алдаж байгаагаа ойлгуулахгүй байх нь хүүхдүүдийг тэсвэр хатуужилгүй болон өсөж байгааг харуулсан.  

 5. ДЭЛГЭЦ АШИГЛАХ ЦАГИЙГ НЬ ХЯЗГААРЛА 

2021 оны байдлаар хүүхдийн дэлгэц ашиглалт манай нийгмийн чухал асуудлуудын нэг болсон билээ.   

Сан Диего их сургууль болон Жиоржиагийн их сургуулийн судлаачид өмнөх судалгааны  мэдээллүүдийг нэгтгэн дүгнэсэн бөгөөд дэлгэцийн хэрэглээний хамгийн боломжит хугацаа нь 1-2 цаг гэдгийг тогтоосон байна.  

Өдөрт дэлгэцийн хэрэглээг 2-с илүүгүй цагаар хязгаарлаж, найз нөхөдтэйгөө амьд харилцаатай байхыг эрхэмлэх нь тэдний эрүүл, аз жаргалтай амьдралын хэмжүүр болох юм.  

6. АМЖИЛТ БОЛ МӨНГӨ БИШ ГЭДГИЙГ ОЙЛГУУЛДАГ 

Стэнфордын их сургуулийн судлаач Шон Рэрдон өндөр болон бага орлоготой гэр бүлийн дунд судалгаа хийсэн байна. Эцэг эхийн санхүү, эдийн засгийн байдал хүүхдийн боловсролын төвшинд нөлөөлдгийг тогтоожээ. Гэхдээ энэ бол та хүүхдийнхээ төлөө мөнгө цуглуулах, санхүүгийн боломжтой байх тухай асуудал болохоос хүүхдээ мөнгөтэй бол гэж шаардах тухай биш юм. Амжилт гэдэг мөнгө биш. Зарим эцэг эхчүүд мөнгө бол амжилт гэж хүүхдэдээ ойлгуулснаас одоогийн мөнгийг дээдэлсэн нийгмийн нэг хэсэг үүссэн. Амжилт гэдэг хүнлэг энэрэнгүй сэтгэл. Таныг хөгширсөн хойно хүүхэд чинь танд хүнлэг хандаасай гэж хүсч байгаа бол багаас нь түүнд энэрэнгүй байхыг зааж сурга. Зүгээр үгээр хэлэх биш үзүүл. Энэ талаараа ярилц. 

Эх сурвалж : www.inc.com