Имэйл бүртгүүлэх

Та имэйл хаягаа үлдээснээр хямдрал, онцгой урамшууллын мэдээллийг цаг алдалгүй авах боломжтой

20,000 төгрөгөөс дээш дүнтэй захиалгыг үнэгүй хүргэнэ.
ОНЬСОН ТОГЛООМ ХҮҮХДИЙН ОЮУН УХААН, ТАРХИЙГ ХӨГЖҮҮЛДЭГ

Монголчуудын бүтээлч байдал, оюуны чадамж, авхаалж самбааг илтгэх нэгэн чухал үзүүлэлт бол оньсон тоглоом түүгээр наадах арга ухаан юм. Бидний өвөг дээдэс эрт дээр үеэс хүүхдийг хүмүүжүүлэх, танин мэдэх, амьдралын ухаанд сургах арга залийг үндэсний уламжлалт тоглоомоор дамжуулж бий болгожээ. Орчин цагийн хүүхдийн тоглоом болох машин, хүүхэлдэй, видео тоглоомууд нь хүүхдэд оюун ухаанаа уралдуулах, сэтгэн бодох, төлөвших боломжийг өгдөггүй байна.

Монголчууд жилийн 4 улиралдаа тохируулж, нүүж суухын тулд гэр орон, эд хогшил, хашаа саравчаа бүгдийг нь хялбархан задалж угсрахаар бодон хийсэн байдаг. Энэ нь явсаар оньсны үндэс болж хөгжсөн байна. Оньсыг түгжих, гаргах, эргүүлэх, шургуулах, эвлүүлж угсардаг учир хүүхдийн жижиг булчингуудыг хөгжүүлж, анхаарал, ой тогтоолт, ургуулан бодох, ажиглах чадвар суулгахаас гадна бүтээлч, тэсвэр хатуужилтай авхаалж самбаатай болгодог.

Энэхүү уламжлалт тоглоомыг модоор хийдэг тул хүүхдэд ямар ч хоргүй, оюун ухааныг тэтгэхээс гадна гарын булчин, шөрмөсийг ч хөгжүүлдэг давуу талтай гэнэ.

Оньсон тоглоомыг зориулалтаар нь бага нас, дунд нас, насанд хүрэгч, уралдаан тэмцээний гэж ангилдаг. Бага насныханд зориулсан оньсон тоглоомын оньсыг тайлахад хамгийн амархан гэж боддог боловч үнэндээ насанд хүрэгчдийнхээс илүү хэцүү байдаг. Учир нь бага насны хүүхдийн сэтгэх чадвар, ой тогтоолт насанд хүрэгчдийнхээс илүү гэсэн судалгаанаас үүдэлтэй.

Хүүхдийг хүмүүжүүлэх гол хэрэгсэл нь тоглоом бөгөөд хүүхэдтэйгээ хамт тоглох нь эцэг эхийн хүүхдэдээ өгч буй хайр энэрлийн хамгийн том илрэл юм. Хүүхэд эцэг эхээрээ хэдэн тоглоом авахуулснаа бус эцэг эхтэйгээ хамт тоглож байсан үеэ санадаг учир бяцхан үрстэйгээ хамт монгол уламжлалт оньсон тоглоомоороо наадаж оюун ухаанаа хөгжүүлээрэй.

Таны тархи, бие махбодыг эрүүл байлгах чухал сонголтуудын нэг нь Уламжлалт оньсон тоглоом юм.

Сэтгэгдэл үлдээх

Бүх сэтгэгдлийг нийтлэхээс өмнө хянах болно.

Шинэ нийтлэлийн мэдээлэл авах

Та имэйл хаягаа үлдээснээр танд хэрэгтэй зөвлөгөө, нийтлэлийн мэдээллийг цаг алдалгүй авах боломжтой.

Биднийг дагаарай
Их уншсан нийтлэлүүд
Онцлох бараа
Бидэнтэй нэгдэх

Шинэ бүтээгдэхүүн, онцгой урамшууллын талаар мэдээллийг цаг алдалгүй авахыг хүсвэл имэйл хаягаа бүртгүүлнэ үү.