Гурван жилийн өмнө, нэг жижигхэн компаниас лекц уншуулахаар намайг уръж билээ. Тэр үед дэлхийг шуугиулж байсан энэ номыг би дөнгөж дуусгаад байсан юм. Очоод лекц уншлаа, гэхдээ үндсэндээ энэ номын утгыг л тайлбарласан бөгөөд, сонсож байгаа хүмүүсийг хараад энэ номыг монгол хэлнээ хөрвүүлэн энэ хүмүүст уншуулах юмсан гэж бодож байсан л даа.

Өнөөдөр энэ номуншигч таны гар дээр хүрлээ. Тухлан сууж, амтархан, сэтгэл гарган, байнга өөрөөсөөасууж, өөрийн ажил төрөлтэйгээ харъцуулан, санаа оноогоо тэмдэглэн уншаарай гэж зөвлөх байна. Монголчууд бидний хувъд ямар ч ажил төрөл, бизнест ялгаагүй "агуу" - шилдэг байх юу юунаас чухал гэдгийг уншигч авхай та надаар хэлүүлэлтгүй мэдэж байгаа. Тиймээс энэхүү номыг унших ёстой. Энэ номыг уншиж байхад миний санаанаас нэг зүйл огт гараагүй юм. "Энэ ном Чингисийн удирдахуй ухаан, арга барилыг тэр чигээр нъ орчин цагийн жишээнд тулгуурлан бичсэн байна шүүдээ" гэсэн санаа. Ялангуяа боловсон хүчний асуудал, сахилга, зохион байгуулалттай холбоотой хэсгийг уншиж байхад: "Бурхан минъ энэ бүгдийг эзэн Чингис 800 гаруй жилийн тэртээ хэрэгжүүлж, ингэж л ажиллавал, ингэж л удирдеал "агуу" болно, нөгөөамжилтын "нууц" гэдгийг бидэнд нэг бүрчлэн зааж, үзүүлэх сургуулъ мэт нотлон харуулсан байна шүүдээ " гэсэн бодол салшгүй дагалдаж байлаа. Энэ өнцөгөөс нъ ч гэсэн сонирхон уншаарай гэх байна.

Эцэст нъ, энэ номыг Танъд хүргэж буп А. Оюунчимэгт талархал илэрхийлъе. Энэ номыг орчуулж, найруулна гэдэг тун амаргүй ажил. Хир барагийн хүн зүрхлэхгүй. Үнэхээр л, энэ номыг олон түмэндээ хүргъе, Монгол улсын хөгжил дэвшилд хэрэгтэй гэдэгт чин сэтгэлээсээ итгэсэн хүн л сэтгэл шулуудан зүтгэсэн байж таараа.

Амжилт — ухамсартай сонголт биш гэж үү?

Ринчиннямын Амаржаргал Лхагва, 2007 оны 7 дугаар сарын 25