Бид бүхэн уран барилгыг дор бүрнээ өөр өөрийнхөөрөө ухаж ойлгодог. Хэн нэгний хувьд энэ нь урлагийн төгс хэлбэр атал өөр нэгний тухайд шинжлэх ухаан билээ. Олон хуний хувьд энэ салбар барилга, эс бөгөөс тодорхой нэгэн хэв загварт баригдан төсөөлөгддөг. Бодит бус төсөөллийн орон зайг бүтээж сурсан зарим нэгний тухайд тоон технологийн өнөө эринд уран барилга нь бодитой барилга байгууламжтай холбогдохоо нэгэнт больжээ. Гэөч энэ салбар бидний ойлголтоос үл хамааран онцгой байр суурьтай. Юун түрүүнд, энэ урлаг ямагт хөдөлгөөн дунд оршдог. Хоёрдугаарт, уран барилгын бүтээлийг цогцлоож, түүнээ үнэлж цэгнэхийн түлд багагүй хугацаа шаардлагатай. Тэр тусмаа адгаж халгахыг тэвчихгүй ийм нэгэн урлагийн төрлийг ахархан хугацаанд, 30 секундэд багтаан тайлбарлана гэдэг амаргүй. Энэ номын зохиогчид тухайн салбарын үүх түүхээс хамгийн сүүлийн үеийн автомат зураг төслийн төсөөллийн зураглал (CAD) хүртэл 50 түлхүүр ойлголтыг онцолжээ.

Бид уран барилгыг түүний язгуур үндэс буюу тухайлж хэлбэл, эртний Ромын уран барилгач, уран барилгын эцэг гэгдэх Марк Витрүвий Поллионы дэвшүүлсэн хэвшмэл стандартын дагуу улс үндэстний энгийн орон байр, чулуугаар бүтээсэн гайхам байгууламжууд болон төрх байдлаа хувиргасан тэр л үеэс судалж эхлэх юм. Номын хоёрдугаар бүлэгт дээрх салбарын хөгжил цэцэглэлтийн үндэс болсон бүрдэл хэсгүүдийг тайлбарлана. Үүнд нуман хаалга, дам нуруу, багана төдийгүй бөмбөгөр орой, хүнхэр адар, яс мод зэрэг арай орчин үеийн нарийн эдлэгдэхүүнүүд багтана. Ингээд уран барилгын онол практикийг гурав, дөрөвдүгээр бүлэгт тусгалаа. Зурагтөсөлд зориулагдсан гутгаар бүлэгтуран барилгын үзэмж байдлыг өгүүлнэ. Энэ хэсэгт төлөвлөлт, огтлол, нүүрэн тал гэх мэт ухагдахууны чухал шинж болоод масштаб, тэгш хэм, алслалтыг таниулна. Харин дөрөвдүгээр бүлэгт уран барилгын хөгжилд нөлөөлсөн үндсэн онол, чиг хандлагуудыг хамрууллаа