Тус эмхэтгэл нь ерөнхий боловсролын сургуулийн сурагчид, их дээд сургуулийн оюутнууд, англи хэл бие даан суралцагчдад англи хэлний дүрмийн цэгцтэй мэдлэг олгож, аман болон бичгийн хэлэнд зөв хэрэглэж сурахад чиглүүлэх болно. Уг эмхэтгэл нь англи хэлний гол үгийн аймаг, тэдгээрийн хэлбэр, хэрэглээг монгол хэл дээр товч тодорхой тайлбарлаж, бодит амьдралын жишээ баримтыг оруулав. Зарим өгүүлбэрийг монгол хэл рүү орчуулсан нь жишээг бие даан уншиж ойлгоход тус дөхөм болох, тэдгээр жишээг ажиглан тухайн дүрмийг хэрэглэж сурах боломжийг олгоход чиглэгдсэн болно. Энэхүү эмхэтгэлд англи хэлний чимхлүүр дүрмүүдийг оруулсан нь суралцагчид цаашид бие даан гүнзгийрүүлэн судлах, харилцааны өндөр түвшинд хэрэглэж сурах, англи хэлийг харилцааны төдийгүй судалгааны зорилгоор эзэмшихэд тулгуур ойлголт өгнө.